Օրբելի եղբայրների թանգարանի գործունեությունը բխում է նրա հիմնական գործառույթներից` աշխարհահռչակ գիտնականներ Օրբելի եղբայրների կյանքի, գիտական գործունեության լուսաբանման և հանրությանը պատշաճ ներկայացնելու ուղղությամբ տարվող աշխատանքներից:
Թանգարանի կարևոր խնդիրներից է մշակութային արժեքների հայտնաբերումը, դրանց տեղափոխումը, հավաքածուի համալրումը, պահպանումը:
Հավաքածուի համալրումը տեղի է ունենում մի քանի ճանապարհով՝ անհատների նվիրատվությունների, Օրբելի ընտանիքի ժառանգեր հանդիսացող անձանցից մշակութային արժեքների ձեռք բերման միջոցով:
Թանգարանում մշտապես տարվում են աշխատանքներ հավաքածուի համալրման ուղղությամբ: Այդ նպատակով օգտագործվում են կապերը Օրբելի եղբայրների մերձավորների, ժառանգների, գիտական մի շարք հիմնարկների հետ: Այս աշխատանքների արդյունքում կարելի է ձերք բերել նոր մշակութային արժեքներ` ձեռագիր նամակներ, փասթաթղթեր, լուսանկարներ, գրքեր, անձնական իրեր, որոնք իրենց տեղը կգտնեն թանգարանի մշտական ցուցադրությունում:
Թանգարանի հավաքածուի համալրման համար առաջիկա տարիներին չափազանց կարևոր է նշված մշակութային արժեքների ձեռքբերումը, որը կհարստացնի ֆոնդային հավաքածուն և առավելապես կնպաստի աշխարհահռչակ գիտնականներ Օրբելի եղբայրների կյանքի և գործունեության ներկայացմանը մշակութասեր հասարակությանը:
ԱՌԱՐԿԱՆԵՐԻ ՑԱՆԿ
- Ակադեմիկոս Լևոն Աբգարի Օրբելու ծոռնուհու՝ Մարիա Օրբելու տանն են գտնվում Օրբելիների ընտանիքի վերաբերյալ նոր՝ բազմաբնույթ նամակներ, որոնց ձեռքբերումը հնարավորություն կստեղծի առավել խոր և բովանդակալից ուսումնասիրել և ներկայացնել Օրբելի եղբայրների գիտական և հասարակական գործունեությունը:
- Ս․ Պետերբուրգի իր բնակարանում է գտնվում Լևոն Օրբելու գրասեղանը, որի ձեռքբերումը նրա թոռան՝ Աբգար Լևոնի Օրբելու մահից հետո անհրաժեշտություն է՝ հաշվի առնելով հանգամանքը, որ վերջինիս ժառանգները մտադիր են մոտ ապագայում վաճառել բնակարանն՝ ամբողջ գույքով:
- Անվանի հայ նկարիչ Կարապետ (Շառլ) Նշանյանի «Հովսեփ Օրբելու» նկարը/1895թ յուղանկար/, գտնվում է ակադեմիկոս Հովսեփ Աբգարի Օրբելու ծոռան՝ Դիմիտրի Եգորի Օրբելու տանը։
- Թանգարանի հավաքածուի անբաժանելի մասն են կազմում Օրբելիների ընտանիքին պատկանող «էդիսոն» ընկերության բացառիկ ձայնագլանները (ֆոնոգլան): Ձայնագլանների վերարտադրման սարքը՝ ձայնագրիչը (ֆոնոգրաֆ /19րդ դար/), որն օգտագործում են աշխարհի առաջատար թանգարաններում, անկասկած մեծ հետաքրքրություն կառաջացնի այցելուների շրջանում։
- Ակադեմիկոս Լևոն Օրբելու նկարը՝ Ս. Պետերբուրգի իր տանը:
- Թանգարանը իր հավաքածուի համալրման համար կարիք ունի նաև 20-րդ դարի վերջով թվագրվող սեղանի լուսամփոփների, աշխատասեղանի գրենական հավաքածուի, որի մեջ կլինի թանաքի ծծան, գրիչ, թանաքաման և բաղակացած կլինի 4, 7 կամ 9 կտորից:
| № | Անվանում | Քանակ | Գտնվելու վայր |
| 1 | Օրբելիների ընտանիքի նամակներ | 54 | Քաղաք Ս.Պետերբուրգ |
| 2 | Գրասեղան | 1 | Քաղաք Ս.Պետերբուրգ |
| 3 | Նկար՝ «Հովսեփ Օրբելի», հեղինակ Կառլո Նիշանյան , կտավ, յուղաներկ, չափսը 80×120 | 1 | Քաղաք Ս.Պետերբուրգ |
| 4 | Ձայնագլանների վերարտադրման սարք
|
1 | Քաղաք Երևան |
| 5 | Նկար՝ ակադեմիկոս Լևոն օրբելու նկարը, կտավ, յուղաներկ | 1 | Քաղաք Ս.Պետերբուրգ |
| 6 | Սեղանի գրենական հավաքածու | 2 | Քաղաք Երևան |
| 7 | Սեղանի լուսամփոփ | 1 | Քաղաք Երևան |
| 8 | Սեղան, Սեչենովի անվան էվոլուցիոն ֆիզիոլոգիայի և կենսաքիմիայի ինստիտուտ | 1 | Քաղաք Ս.Պետերբուրգ, |
| 9 | Գրապահարան, Սեչենովի անվան էվոլուցիոն ֆիզիոլոգիայի և կենսաքիմիայի ինստիտուտ | 1 | Քաղաք Ս. Պետերբուրգ |
‹‹Օրբելի եղբայրների տուն-թանգարան›› ՊՈԱԿ-ի
թանգարանային հավաքածուների համալրման նպատակով ձեռքբերվելիք մշակութային արժեքների համար անհրաժեշտ առարկաները ներկայացվում են բովանդակային հիմնավորմամբ:
Թանգարանային հավաքածուի համալրման ուղղությամբ տարվող աշխատանքներում թանգարանը բաց է այլ առաջարկությունների և համագործակցության համար՝ ձեռք բերել մշակութային արժեքներ, որոնք կօգնեն առավել լայն կերպով լուսաբանել ներկայացվող ժամանակաշրջանի մշակույթը, գիտական կյանքը և պատմությունը:
